தூத்துக்குடி நகல்சினி காலனியை சேர்ந்தவர் ஜார்ஜ்.இவரது மனைவி திருமணி (வயது 60). இவர்களது மகன் நிஷாசுரேஷ்(32). இவர் மனைவியை பிரிந்து வாழ்ந்து வந்தார். நேற்றிரவு நிஷாசுரேஷ் குடித்து விட்டு வீட்டிற்கு வந்தார். அவருக்கு திருமணி தோசை சுட்டு கொடுத்தார். ஆனால் நிஷாசுரேஷ் அந்த தோசை நன்றாக இல்லை என்று கூறி திருமணி முகத்தில் தோசையை வீசி தாக்கினாராம். 

இது குறித்த புகாரின் பேரில் தென்பாகம் போலீசார் விசாரணை நடத்தி நிஷாசுரேசை தேடி வருகின்றனர்.

கொருக்குப்பேட்டை பாரதி நகர் 11-வது தெருவை சேர்ந்தவர் கமல்ராஜ். இவருக்கு உறவினர் ஒருவருடன் நிச்சயம் செய்யப்பட்டு வருகிற 23-ந் தேதி திருமணம் நடைபெற இருந்தது. இந்த நிலையில் நேற்று முன்தினம் இரவு கமல்ராஜ் வெளியே சென்றார். பின்னர் அவர் வீடு திரும்பவில்லை. நேற்று காலை கமல்ராஜ் வீட்டு அருகே முட்புதரில் கொலை செய்யப்பட்டு பிணமாக கிடந்தார். 

இது தொடர்பாக ஆர்.கே. நகர் போலீசார் வழக்குப்பதிவு செய்து விசாரணை நடத்தினார்கள். இந்த நிலையில் கமல்ராஜ் கொலை தொடர்பாக நேற்று இரவு அதே பகுதியை சேர்ந்த ராஜா (24), பூபாலன் (23) ஆகியோரை போலீசார் கைது செய்தனர். 

கமல்ராஜை கொலை செய்தது ஏன் என்பது பற்றி அவர்களிடம் விசாரித்து வருகிறார்கள். பணத்தகராறில் கொலை நடந்ததா அல்லது காதல் விவகாரம் தொடர்பாக கமல்ராஜ் கொல்லப்பட்டாரா என்பது பற்றி போலீசார் விசாரணை நடத்தி வருகிறார்கள். இந்த கொலையில் தொடர்புடைய மற்றொருவனை போலீசார் தேடி வருகிறார்கள்.

கொருக்குப்பேட்டை பாரதி நகர் 11-வது தெருவை சேர்ந்தவர் கமல்ராஜ். இவருக்கு உறவினர் ஒருவருடன் நிச்சயம் செய்யப்பட்டு வருகிற 23-ந் தேதி திருமணம் நடைபெற இருந்தது. இந்த நிலையில் நேற்று முன்தினம் இரவு கமல்ராஜ் வெளியே சென்றார். பின்னர் அவர் வீடு திரும்பவில்லை. நேற்று காலை கமல்ராஜ் வீட்டு அருகே முட்புதரில் கொலை செய்யப்பட்டு பிணமாக கிடந்தார். 

இது தொடர்பாக ஆர்.கே. நகர் போலீசார் வழக்குப்பதிவு செய்து விசாரணை நடத்தினார்கள். இந்த நிலையில் கமல்ராஜ் கொலை தொடர்பாக நேற்று இரவு அதே பகுதியை சேர்ந்த ராஜா (24), பூபாலன் (23) ஆகியோரை போலீசார் கைது செய்தனர். 

கமல்ராஜை கொலை செய்தது ஏன் என்பது பற்றி அவர்களிடம் விசாரித்து வருகிறார்கள். பணத்தகராறில் கொலை நடந்ததா அல்லது காதல் விவகாரம் தொடர்பாக கமல்ராஜ் கொல்லப்பட்டாரா என்பது பற்றி போலீசார் விசாரணை நடத்தி வருகிறார்கள். இந்த கொலையில் தொடர்புடைய மற்றொருவனை போலீசார் தேடி வருகிறார்கள்.

அமெரிக்காவின் நியூயார்க் நகரில் மேலாடை அணியாமல் ஆபாசமாக சுற்றித் திரிந்த பெண்களை போலீசார் கைது செய்து அபராதம் விதிக்கும் நடைமுறை தற்போது உள்ளது.எனினும், இந்த கட்டுப்பாட்டை எல்லாம் மீறி அமெரிக்காவின் பல நகரங்களில் ஆகஸ்ட் 21ம் தேதியன்று மேலாடை அணியாத பல பெண்கள் பேரணி நடத்தி வருகின்றனர்.

இந்நிலையில், நியூயார்க் நகரில் மேலாடை அணியாமல் நடமாடும் பெண்கள் மீது நடவடிக்கை எடுக்க வேண்டாம் என போலீசாருக்கு அறிவுறுத்தப்பட்டுள்ளது.

உலகம் முழுவதும் மேலாடை அணியாமல் சுற்றுப்பயணம் செய்து பரபரப்பை ஏற்படுத்திய ஹோல்லி வேன் வோஸ்ட் நியூயார்க் நகரிலும் தனக்கே உரிய பாணியில் சுற்றி வந்தபோது அவரை கைது செய்த போலீசார் கோர்ட்டில் வழக்குப் பதிவு செய்தனர்.

பல மாதங்களாக நடைபெற்ற இந்த வழக்கில் ஹோல்லி வேன் வோஸ்ட் சார்பில் வாதாடிய வக்கீல், '1992 ஆம் ஆண்டு நடைபெற்ற வழக்கில் பெண்கள் மேலாடை அணியாமல் செல்வதை குற்றமாக கருத முடியாது என தீர்ப்பளிக்கப்பட்டுள்ளது.

இதன் அடிப்படையில் எனது கட்சிக்காரர் மீதான வழக்கை தள்ளுபடி செய்ய வேண்டும்' என்று வாதாடினார்.

இதனை ஏற்றுக்கொண்ட நியூயார்க் கோர்ட், 'முந்தைய தீர்ப்பின் அடிப்படையில் மேலாடை இல்லாமல் பெண்கள் பொது இடங்களில் நடமாடுவதை குற்றம் என்று கூற முடியாது.

எனவே, குற்றம் சாட்டப்பட்டவரை விடுதலை செய்து உத்தரவிடுகிறேன்' என்று சமீபத்தில் தீர்ப்பளித்தது.

இதனையடுத்து, நியூயார்க் நகரில் பணியாற்றும் 34 ஆயிரம் போலீசாருக்கு நகர போலீஸ் தலைமையகம் நேற்று அவசர உத்தரவை பிறப்பித்துள்ளது.

'பெண்கள் மேலாடை இன்றி திரிவது குற்றம் அல்ல. எனவே, இந்த குற்றப்பிரிவின் கீழ் யாரையும் கைது செய்ய வேண்டாம்' என அந்த உத்தரவில் கூறப்பட்டுள்ளது.

ஈராக் தலைநகர் பாக்தாத் அருகே இன்று காலை நிகழ்ந்த 5 கார் குண்டு வெடிப்பு தாக்குதல்களில் 34 பேர் பலியாகினர்.இன்று அதிகாலை பஸ்ரா நகரில் நிகழ்ந்த 2 கார் குண்டு தாக்கதலில் 24 பேர் பலியாகினர். 85 பேர் படுகாயமடைந்தனர்.

பாக்தாத் நகர பஸ் நிலையம் மற்றும் சந்தைகளில் நிகழ்ந்த 3 கார் குண்டு வெடிப்பில் மேலும் 10 பேர் பலியாகினர்.

இந்த தாக்குதல் சம்பவங்களில் இதுவரை 34 பேர் உடல் சிதறி பரிதாபமாக உயிரிழந்தனர். 110க்கும் மேற்பட்டவர்கள் படுகாயங்களுடன் ஆஸ்பத்திரியில் அனுமதிக்கப்பட்டுள்ளனர்.

அவர்களில் சிலரது நிலைமை கவலைக்கிடமாக உள்ளதால் பலி எண்ணிக்கை மேலும் அதிகரிக்கக்கூடும் என போலீசார் தெரிவித்தனர்.

வட ஆப்கானிஸ்தானில் உள்ள மாகாண தலைமை செயலகத்தின் மீது இன்று நிகழ்ந்த மனித குண்டு தாக்குதலில் மாகாண கவுன்சில் தலைவர் உட்பட 14 பேர் பலியாகினர்.பாக்லான் மாகாண தலைமை செயலக கட்டிடத்திற்குள் இன்று காலை மாகாண கவுன்சில் தலைவர் முஹம்மது ரசூல் மோசேனி நுழைந்த போது எதிர்திசையில் இருந்து ஓடிவந்த மர்மநபர் தனது உடலில் கட்டியிருந்த குண்டை வெடிக்கச் செய்தான்.

இச்சம்பவத்தில் உடல் வெடித்து சிதறி அவன் பலியானான்.

இந்த தாக்குதலில் முஹம்மது ரசூல் மோசேனி உள்பட 14 பேர் சம்பவ இடத்திலேயே பலியாகினர்.

தலைமை செயலக பாதுகாவலர்கள், ஊழியர்கள் உள்பட 30க்கும் மேற்பட்டோர் படுகாயங்களுடன் ஆஸ்பத்திரியில் அனுமதிக்கப்பட்டுள்ளனர்.

உலகின் மிக உயரமான மலைச் சிகரங்களில் ஏறி சாதனை படைத்தவர் கெண்டன் கூல் (39).இங்கிலாந்தை சேர்ந்த இவர், இமய மலையில் உள்ள நுப்ட்சே (7,861 மீட்டர்), லோட்சே (8,516 மீட்டர்), எவரெஸ்ட் (8,848 மீட்டர்) ஆகிய சிகரங்களில் ஏறி சாதனை படைத்துள்ளார்.

ஏற்கனவே 10 முறை எவரெஸ்ட் சிகரத்தின் மீது ஏறி சாதனை படைத்துள்ள இவர், உள்ளூர் நேரப்படி இன்று அதிகாலை 2 மணியளவில் 11-வது முறையாக எவரெஸ்ட்டில் ஏறி இதற்கு முந்தைய தனது சாதனைகளை முறியடித்துள்ளார்.

இமய மலையில் உள்ள 3 உயர்ந்த சிகரங்களையும் பத்தே நாட்களில் அடையும் விதமாக இவர் தொடங்கிய முயற்சி இன்று சாதனையாக நிறைவேறியுள்ளது.

சோவியத் ரஷ்யாவில் இணைந்துள்ள நாடுகளில் ஒன்று சைபீரியா.கிழக்கு சைபீரியாவின் இர்குட்ஸ்க் பகுதியில் மிகப்பெரிய சிறைச்சாலை ஒன்று உள்ளது. இங்கு அடைத்து வைக்கப்பட்டுள்ள கைதிகளை மர்கோவோ என்ற கிராமத்தில் இருக்கும் தொழிற்பேட்டைக்கு பயிற்சிக்காக அனுப்பி வைப்பது வழக்கமான நடைமுறை.

இவ்வகையில், இந்த தொழிற்பேட்டையில் கொலை மற்றும் கொள்ளை வழக்கில் தண்டனை பெற்ற 4 கைதிகள் தச்சு வேலை செய்து வந்தனர். வேலை செய்யும் இடத்தில் 20 மீட்டம் நீளம் கொண்ட சுரங்கத்தை ஏற்படுத்தி அவ்வழியாக நேற்று அவர்கள் தப்பிச் சென்றனர்.

அவர்களை தேடும் பணியில் சுமார் 2500 போலீசார் ஈடுபட்டுள்ளனர். கவனக்குறைவாக இருந்த சிறை தலைமை அதிகாரி தற்காலிக பணி நீக்கம் செய்யப்பட்டுள்ளார்

சென்னை டி.பி.சத்திரத்தைச் சேர்ந்தவர் சக்கர பாணி. இவரது மனைவி கிருஷ்ணவேணி (85). பிரபல கஞ்சா வியாபாரியான இவர் மீது கஞ்சா விற்பனை செய்ததாக பல வழக்குகள் உள்ளது. தற்போது அவர் புழல் சிறையில் அடைக்கப்பட்டு உள்ளார்.

கடந்த 2002-ம் ஆண்டு கிருஷ்வேணி வீட்டில் போதை பொருள் தடுப்பு பிரிவு போலீசார் அதிரடி சோதனை நடத்தினார்கள். அப்போது வீட்டில் பதுக்கி வைக்கப்பட்டு இருந்த 10 கிலோ கஞ்சாவை போலிசார் பறிமுதல் செய்தனர். இது தொடர்பான வழக்கு போதை பொருள் கடத்தல் வழக்கை விசாரிக்கும் சிறப்பு முதன்மை கோர்ட்டில் நடந்தது. வழக்கை நீதிபதி சின்னப்பன் விசாரித்து இன்று தீர்ப்பு வழங்கினார்.

கிருஷ்ணவேணி மீதான குற்றம் நிருபிக்கப்பட்டதால் அவருக்கு 10 ஆண்டு ஜெயில் தண்டனையும், ரூ.1 லட்சம் அபராதமும் விதித்து நீதிபதி தீர்ப்பு வழங்கினார்.

குறைப் பிரசவத்தில் குழந்தை பெற்றெடுத்த போலந்து நாட்டு போதை பெண்ணுக்கு ஓராண்டு சிறை தண்டனை வழங்கி நீதிமன்றம் உத்தரவிட்டுள்ளது.போலந்து நாட்டில் உள்ள டோமஸ்ஜோ நகரின் மதுக்கடையில் மது வாங்கச் சென்ற 24 வயது கர்ப்பிணி பெண், போதையில் தள்ளாடி மயங்கி விழுந்தார்.

இதனையடுத்து, அவளை போலீசார் ஆஸ்பத்திரிக்கு அனுப்பி வைத்தனர். அங்கு அவளுக்கு சிசேரியன் முறையில் பிரசவம் நடந்தது.

2 வார குறைப் பிரசவத்தில் பிறந்த குழந்தையின் ரத்தத்தில் ஆல்கஹாலின் அளவு, சராசரி அளவைக் கடந்து 4.5 கிராமாக இருந்தது.

இதனால், குழந்தையின் இதயத் துடிப்பு மிகவும் குறைவாக இருந்தது. சுவாசம் மற்றும் ரத்த சுழற்சியிலும் குறைபாடு காணப்பட்டதால் குழந்தை உயிருக்குப் போராடியது.

குழந்தையின் தாயின் உடலில் இருந்து ரத்தத்தை எடுத்து பரிசோதித்த போது, போதையில் வாகனம் ஓட்டுவதற்கு அனுமதிக்கப்பட்ட ஆல்கஹாலின் அளவை விட 23 மடங்கு ஆல்கஹால் அவளது ரத்தத்தில் கலந்திருப்பது உறுதி செய்யப்பட்டது.

இதன் பாதிப்பாகவே குழந்தையின் ரத்தத்திலும் ஆல்கஹாலின் அளவு உயர்ந்து காணப்பட்டதை அறிந்த டாக்டர்கள், போதைப் பழக்கத்தினால் வயிற்றில் வளர்ந்த சிசுவை கொல்ல முயன்ற குற்றத்திற்காக அவளை போலீசாரிடம் ஒப்படைத்தனர்.

கோர்ட்டில் அவள் மீது தொடரப்பட்ட வழக்கை விசாரித்த நீதிபதி ஓராண்டு சிறை தண்டனை வழங்கி தீர்ப்பளித்தார்.

தீவிர சிகிச்சை பகுதியில் இன்குபேட்டரில் வைத்து பராமரிக்கப்படும் குழந்தையின் உடல் நிலையில் முன்னேற்றம் காணப்படுவதாக டாக்டர்கள் கூறினர்.

வடமேற்கு பாகிஸ்தானின் கைபர்-பக்துன்குவா மாகாணத்தில் உள்ள மசூதிகளின் இன்று நிகழ்ந்த 2 குண்டு வெடிப்பு தாக்குதல்களில் 18 பேர் பலியாகினர். 50க்கும் மேற்பட்டோர் படுகாயமடைந்தனர்.தலிபான்களின் ஆதிக்கம் நிறைந்த மலகண்ட் மாவட்டத்தின் பஸ்தாரா பகுதியில் உள்ள மசூதிகளில் இன்று பிற்பகல் 1 மணியளவில் 'ஜும்மா' தொழுகை நடைபெற்றுக் கொண்டிருந்தது.

அப்போது, அருகருகே உள்ள 2 மசூதிகளில் பயங்கர சத்தத்துடன் குண்டுகள் வெடித்தன.

மசூதிக்குள் தொழுகையில் ஈடுபட்டிருந்த 18 பேர் சம்பவ இடத்திலேயே உடல் சிதறி பலியாகினர். 50க்கும் மேற்பட்டோர் படுகாயங்களுடன் ஆஸ்பத்திரிகளில் அனுமதிக்கப்பட்டுள்ளனர்.

குண்டு வெடிப்பில் மசூதி கட்டிடங்கள் பலத்த சேதமடைந்தன. இந்த தாக்குதலுக்கு எந்த இயக்கமும் பொறுப்பேற்றுக் கொள்ளவில்லை.

காயமடைந்தவர்களில் பலரது நிலைமை கவலைக்கிடமாக உள்ளதால் பலி எண்ணிக்கை அதிகரிக்கக்கூடும் என போலீஸ் துணை கமிஷனர் அம்ஜத் அலி கூறினார்.

கடந்த மே 11ம் தேதி பாராளுமன்ற தேர்தல் நடைபெற்ற பின்னர் கைபர்-பக்துன்குவா மாகாணத்தில் நடைபெற்ற முதல் குண்டு வெடிப்பு தாக்குதல் இது என்பது குறிப்பிடத்தக்கது.

வடகொரியாவில் எதிர்பார்த்ததைவிட அதிகமான ஏவுகணைகள் இருக்கக்கூடும் என்று ராணுவத்தைப் பற்றி எடுக்கப்பட்ட ஆய்வுக் குறிப்பில் இன்று தெரியவந்துள்ளது.அமெரிக்க ராணுவத் தலைமையகமான பென்டகனில் இருந்து வெளிவந்த தகவலை அடுத்து, கொரியாவின் பாதுகாப்பு ஆய்வு மையம் இதனைச் செய்துள்ளதாக பத்திரிகை செய்தி ஒன்று தெரிவிக்கின்றது. பொருளாதாரப் பிரச்சினைகளையும் மீறி வடகொரியா ஆயுதங்களில் முதலீடு செய்வதாக, அமெரிக்கா கருத்து தெரிவித்ததை அடுத்து அவர்களிடம் நகர்த்தக்கூடிய தன்மையுடன் 94 ஏவுகணைகள் இருக்கலாம் என்று தென்கொரிய அரசு நினைத்திருந்தது.

ஆனால், தற்போது வடகொரியாவில் குறைந்த தொலைவு சென்று தாக்கும் 150 ஏவுகணைகளும், குறிப்பிட்ட தொலைவு சென்று தாக்கும் 50 ஏவுகணைகளும் இருக்கலாம் என்று மதிப்பீடு செய்யப்பட்டுள்ளது. இரண்டு ஏவுகணைகளைத் தயார் நிலையில் வைத்திருந்து பின்னர், அதனை வடகொரியா வாபஸ் பெற்ற நிலையில், எழுந்த இந்த கருத்துக்கு பாதுகாப்பு ஆய்வு மையம் பதிலளிக்கவில்லை.

கடந்த பிப்ரவரி மாதம் அணு சோதனையில் ஈடுபட்ட வடகொரியா தற்போது முசுடன் ஏவுகணைகளைப் பயன்படுத்தி புதிய பிரச்சனைகளை உருவாக்கலாம் என்று அமெரிக்கா மற்றும் தென்கொரிய அதிகாரிகள் கருதுகின்றனர்.

சென்னை செங்குன்றத்தை அடுத்த பழைய அலமாதி சிவன் கோவில் தெருவை சேர்ந்தவர் முனி கிருஷ்ணன். இவரது மகள் சாவித்திரி வயது 15. (பெயர் மாற்றப்பட்டுள்ளது). இவர் செங்குன்றத்தில் உள்ள அரசு பள்ளியில் 10-ம் வகுப்பு படித்து வந்தார். 

தற்போது தேர்வு எழுதிவிட்டு தேர்வு முடிவுக்காக காத்திருக்கிறார். இந்த நிலையில் கடந்த 6-ந் தேதி சாவித்திரி எடப்பாளையத்தில் உள்ள உறவினர் வீட்டுக்கு வந்திருந்தார். அப்போது பழைய அலமாதி சிவன் கோவில் தெருவை சேர்ந்த லாரி டிரைவர் சுரேஷ் (24), மாணவி சாவித்திரியை கடத்தி சென்றார். பின்னர் ஆசை வார்த்தை கூறி கற்பழித்தார். 

இது தொடர்பாக சாவித்திரியின் தந்தை முனி கிருஷ்ணன் சோழவரம் போலீசில் புகார் செய்தார். இன்ஸ்பெக்டர் பாலு வழக்குப்பதிவு செய்து சுரேசை கைது செய்தார். பின்னர் அவர் கோர்ட்டில் ஆஜர்படுத்தப்பட்டு புழல் ஜெயிலில் அடைக்கப்பட்டார்.

நேபாள நாட்டில் பசுமைமிக்க மலைகள் சூழ்ந்த ஏராளமான சுற்றுலா இடங்கள் அமைந்துள்ளன. குறிப்பாக அன்னபூர்னா பகுதியில் மலை ஏறும் பயிற்சி அளிக்கப்படுகிறது. இதனால் அங்கு வெளிநாட்டு பயணிகள் குவிகிறார்கள். 

இந்நிலையில் நேபாள நாட்டிலுள்ள சுற்றுலா தலமான பொக்காரா என்ற இடத்திலிருந்து நேபாள ஏர்லைன்ஸ் விமானம் ஒன்று புறப்பட்டது. அதில் 3 விமானிகள், 8 ஜப்பான் நாட்டினர் உள்பட 21 பேர் பயணம் செய்தனர். 

இந்த விமானம் காலை 8.30 மணி அளவில் ஜோம்சோம் விமான நிலையத்தில் தரை இறங்கியது. அப்போது விமானம் எதிர்பாராதவிதமாக ஓடுபாதையில் இருந்து விலகிச் சென்று அருகேயுள்ள காளி-கண்டகி ஆற்றில் இறங்கியது. 

இந்த விபத்தில் விமானிகள் உள்பட 9 பேர் படுகாயம் அடைந்தனர். மற்றவர்கள் லேசான காயத்துடன் அதிர்ஷ்டவசமாக தப்பினர். காயம் அடைந்தவர்கள் மீட்கப்பட்டு மருத்துவமனையில் அனுமதிக்கப்பட்டனர். இவர்களில் 6 பேர் கவலைக்கிடமாக இருக்கிறார்கள்.

அமெரிக்காவில் லாஸ் ஏஞ்சலில் இருந்து நியூயார்க்கு அமெரிக்கன் ஏர்லைன்ஸ் பயணிகள் விமானத்தில் ஒரு இளம் பெண் பயணம் செய்தார். விமானம் புறப்பட்டதில் இருந்து பாப் பாடகர் ஒயிட்னியின் ஆல் வேல்ஸ் லவ் யூ என்ற பாடலை பாடிக்கொண்டே இருந்தார். இது உடன் பயணம் செய்த மற்ற பயணிகளுக்கு இடையூறையும், எரிச்சலையும் ஏற்படுத்தியது. 

எனவே, விமானிகளிடம் இது குறித்து புகார் செய்தனர். உடனே, அவர்கள் பணிப்பெண்கள் மற்றும் ஊழியர்கள் மூலம் அவரை அணுகி பாடல் பாடுவதை நிறுத்தும்படி கேட்டுக் கொண்டனர். ஆனால், அதை அவர் கண்டு கொள்ள வில்லை. உடனே, அதே விமானத்தில் பயணம் செய்த ஏர்மார்ஷல் அப்பெண்ணை கைது செய்தார். 

இதற்கிடையே, அந்த விமானம் வழியில் கன்சாஸ் சர்வதேச விமானத்தில் அவசரமாக தரை இறக்கப்பட்டது. அங்கு அப்பெண் விமானத்தில் இருந்து வலுக்கட்டாயமாக இறக்கி விடப்பட்டார். பின்னர், கன்சாஸ் விமான நிலையத்தில் ஒப்படைக்கப்பட்டார். சிறிது நேரம் காவலில் வைக்கப்பட்டிருந்த அவர் அபராதம் எதுவுமின்றி விடுவிக்கப்பட்டார். இந்த தகவலை கன்சாஸ் விமான நிலைய செய்தி தொடர்பாளர் ஜோமெக்பிரைடு தெரிவித்தார்.

ஏர் இந்தியா விமானத்தில் விமானி கழிவறைக்கு சென்றிருந்தபோது அவரது அறையின் (காக்பிட்) கதவு உள்புறமாக மூடிக்கொண்டது. இதனால் விமானியால் விமானத்தை இயக்க முடியாத நிலை ஏற்பட்டதால் பயணிகள் பதற்றமமடைந்தனர். 

ஏர்-இந்தியா உள்நாட்டு விமானம் டெல்லி-பெங்களூர் இடையே இயக்கப்படுகிறது. இந்த விமானம் பெங்ளூரில் இருந்து டெல்லிக்கு நேற்று புறப்பட்டு சென்று கொண்டிருந்தது. அப்போது தலைமை விமானிக்கு இயற்கை உபாதை ஏற்படவே அவர் கழிவறைக்கு சென்றார். 

இயற்கை உபாதைகளை முடித்துவிட்டு திரும்பி வந்தபோது அவரது அறையின் கதவு உள்புறமாக மூடிக்கொண்டது. எவ்வளவோ போராடி பார்த்தும் கதவை திறக்க முடியவில்லை. இதனால் தலைமை விமானி விமானத்தை இயக்க முடியாத நிலைமை ஏற்பட்டதால் பயணிகள் மத்தியில் பெரும் பீதியும் பதட்டமும் ஏற்பட்டது. 

இதனையடுத்து விமானி அறையின் உள்ளே இருந்த மற்றொரு விமானிக்கு வெளியே இருந்து தலைமை விமானி ஆலோசனைகளை வழங்கினார். அவரது ஆலோசனைப்படி போபாலில் விமானம் பத்திரமாக தரையிறக்கப்பட்டது. 

போபாலில் விமானம் தரையிறக்கப்பட்டதும் விமானி அறையின் கதவுகள் சரி செய்யப்பட்டு விமானம் மீண்டும் டெல்லியை நோக்கி புறப்பட்டு சென்றது. இதனால் பயணிகள் நிம்மதி அடைந்தனர்.